sammisaq

Kiserliorneq

Akuliusimanngitsutut misigigaanni – aamma inuiaqatigiinni mikinerusuni

Illoqarfinni, nunaqarfinnilu allaammi illoqarfinni mikinerusuni, kikkut tamarmik imminnut
ilisarisimasariittut akornanni kisimiittutut misigisoqarsinnaavoq. Tamanna nipituumik
oqaatigissallugu ajornakusoorsinnaavoq, ingammik inuit allat allanik isumagisassaqareenerannik
eqqarsartaraanni

Siunnersuutit

Inunniit allaniit allaanerusutut misiginarsinnaasarami
Arlaannik oqaloqatissaaleqisaraanni
Attuumassuteqarfigisamik annaasaqarsimanermi kiserliornarsinnaasarami
Arlaannik naatsorsuuteqarfigineqarnermiit tatisimaneqartutut misiginartarami

Ikioqqugit, ikioqqunerluunniit sungiusimanngikkaluarukku
Arlaannut peqataasalerit, assersuutigalugu timersorneq, inuusuttut sukisaarsartarfianniinneq, nipilersorneq imaluunniit najukkami ataatsimoortartunut arlaannut ilanngullutit
Inersimasumik ingerlariaqqinnissarnut ikiuussinnaasumik oqaloqateqarit
Eqqarsaatitit nipituumik oqaatiginissaat ajornakusoortikkukku arlaannut allattukkit
Qamani-app atoruk tassaasoq imminut ikiornissamut atortussiaq. App-imi ilaatigut isumannaallisaanermut pilersaarusiorsinnaavutit, eqqisseqqissaarluni tusarnaagassat tusarnaarsinnaavatit, sammisatut atuagassiat nanisinnaavatit aammalu ikiorneqarnissannik imaluunniit arlaannik oqaloqateqarnissannik pisariaqartitsilissaguit attavigineqarsinaasunut paasissutissat erseqqissut pissarsiaralugit.