Naammanngitsutut misigaangavit

Ilaannikkut naammanngitsutut misigisarpit?

Naammanngitsunut misigineq eqqumiissinnaavoq oqimaassinnaalluniluunniit. Avatangiisinni pisunut tunngasinnaavoq, immaqaluunniit eqqarsaatigisarsimallugu. Inuttut ineriartulaarnissat pisariaqartissimasinnaavat – imaluunniit suna ajornartinnerlugu paaseqqaarusullugu.

Suut sunnertissutigisimasinnaanerlugit paasiniarlugu apeqqutit akikkit.

Eqqortumik kukkusumillu akissuteqanngilaq.

Naammanngitsutut misigikulasaruit – taava pitsaasuussaaq inuit aaliangersimasut peqatigigaangakkit aaliangersimasumilluunniit pisoqartillugu avatangiisinni susoqarneranik misissuilaarnissat.

Misilillugu imminut aperigit:

• Inunnik toqqissisimanarinngisaqarpunga imaluunniit taakku ilagigaangakkit kukkusutut misigisarpunga?
  

• Sumiiffiit ilaanni angerlarsimasutut misigisarpunga?

Arlaanniit avataaniitsinneqaruit, kusanaatsumik oqaluffigineqaruit nuanniitsumilluunniit pineqarlutit taava qanoq misiginerit allanngortinniarneqartussaanngilaq. Tammaattumik inersimasumik ikiorneqarnissat pisariaqartissinnaavat.

Eqqaamajuk Tuaannga ammajuaannarmat – aamma unnuami. Ikiorusuppatsigit.

Misilittaaleraangatta oqinnerulertarpoq. Kisianni suna artornarnerulersitsisarnersoq paasiniaqqaassavat. Soorlu imminut aperisinnaavutit

• Iliuuseqaruit qanoq pisoqassangatippiuk?
  
  

• Iliuuseqaraangavit qanoq pisoqakkajuttarpa?

Pisoq toqqissisimanarpat, timili annilaangasutut qisuariarpat annikitsuarannguamik alloriaateqarlutit misilissinnaavat. Nappaasinnaavutit, nutaamik aallartitsisinnaavutit inunnilluunniit nutaanik oqaloqateqarsinnaavutit.

Aamma inersimasup ikiorusunneraatit aperisinnaavat. Assersuutigalugu ilinniartitsisoq, perorsaasoq angajoqqaatilluunniit.

Eqqarsarpallaalerninni eqqortumik akissuteqarnissat eqqarsaatigivallaalertutut misigisinnaavat. Ilaannikkulli eqqarsaatersorneq eqqarsarnerulersitsiinnarsinnaavoq. Misilillugu unikaallariarlutit imminut aperigit:

• Ikinngutiga pillugu taama eqqarsassagaluarpunga? Ikinngutiga assinganik inissisimagaluarpat imminut taama sakkortutigisumik pinittut ikinngutiga assinganik pissagaluarpara?
  

• Massakkoqqissaaq akissutisinissara pisariaqartippara? Allat qanoq eqqarsarnersut nalugakku, eqqarsaatiginera unitsikkallalaarsinnaaruttoriga?
  
  

• Ikiuisinnaasumut oqaluttuassaanga? Ilaannikkut eqqarsaatit eqqarsaatigiunnaarnissaat ajornakusoorsinnaavoq. Ikinngut, angajoqqaat allaluunniit tatigisat isiginnittaatsimit allamiit isiginnilernissannut ikiorsinnaavaatit.

Ilaannikkut eqqarsaatiniit unikaallalaarneq iluartarpoq. Pisuttuarit, arpagit, nipilersukkanik tusarnaarit, nutaanik pilersitsigit imaluunniit allamut saasaataarsinnaasumik sammisaqarlutit.