Misilitassaq
Kiserliornermut tunngatillugu suut ilumoornersut ilumuunnginnersullu nalunngiliuk?
Step 1 of 6
Ilumoorpoq toqqarsimavat tamannalu eqqorpoq.
Kammalaatit ilaquttallu ilagisaraluarlugit kiserliortoqarsinnaavoq.
Meeqqat ilai oqaluttuartarput kammalaaterpassuaqaraluarlutik kiserliorlutik, amigaatigalugu qanigisaminnik, tatigisaminnik toqqissisimanarisaminnillu kammalaateqarnissartik.
Ilumuunngilaq toqqarsimavat kisianni nalunngiliuk…
Ilumuunngilaq toqqarsimavat tamannalu eqqorpoq.
Kiserliornermut iluaqutissanik iisartagaqanngilaq, kisianni iluaqutaasinnaapput ataatsimooqatigiinnerit toqqissisimaffiusut, tusarnaarneqartutut tikilluaqusaasutullu misigiffiusut ilinnullu nuannaartitsisartut.
Ilumoorpoq toqqarsimavat kisianni nalunngiliuk…
Meerarpassuit oqarneq ajorput kiserlioraangamik, aamma arlaat kiserliorpat takujuminaatsorujussuusinaavoq.
Naliginnaasuuvoq nuannaarpasittutut pissuseqarneq ilukkut kiserliortutut misigigaluarluni. Kisianni ilaatigut kiserliortoqaraangat malugineqarsinnaasarpoq assersuutigalugu meeraq kiserliortoq qinngasaartittaraangat imaluunniit ataatsimoortunut peqataasarunnaaraangat.
Kiserliortutut misigisimalluni oqaluunneqalaartarneq iluaqutaasinnaavoq, assersuutigalugu kumoorn-eerneqalaarluni arlaannilluunniit apersorneqalaarluni.
Aamma kiserliorneq pillugu apersorneqalaarluni iluaqutaasinnaavoq, imaassinnaavoq kiserliortutut misigisimasoq ammalluni oqaluttuarnissaminut suli piareersimanngitsoq, kisianni imaallaat paasissavaa eqqartorusulissangaluaruniuk tusarnaarusuttoqartoq.
Aamma kiserliorneq pillugu apersorneqalaarluni iluaqutaasinnaavoq, imaassinnaavioq kiserliortutut misigisimasoq ammalluni oqaluttuarnissaminut suli piareersimanngitsoq, kisianni imaallaat paasissavaa eqqartorusulissangaluaruniuk tusarnaarusuttoqartoq.
Inuk kiserliortoq nammineq pisuunngisaannarpoq.
Kisianni kiserliorneq qaangerusukkaanni nammineq iliuuseqartoqarsinnaavoq, arlaannut oqaatigalugu qanorinnerluni.
Misigissutsit anninneq ajorlugit kisermaakkaanni alliartuinnaavissinnaapput soorlu ballon-itut, taava naggataatigut misigissutsit kisermaanneri sakkortoorujussuanngorsinnaallutik. Taamaammat qanoq misiginerluni oqaluttuartarneq iluaqutaasarpoq.
Ilumoorpoq toqqarsimavat tamannalu ilumoorpoq.
Inuunermi annertuunik allanngortoqaraangat kiserliortutut misigisoqarsinnaavoq. Assersuutigalugu illoqarfimmut allamut nuussimagaanni, ilaqutariinni nuanniitsumik aqqusaagaqaraanni assersuutigalugu angajoqqaat qimappata ilaquttamilluunniit napparsimasoqalerpat.
Piffinni taakkunanni malugineqarnissaq pisariaqartinnerulertarparput, qanorinnerluni aperineqalaartarneq arlaannullu ilaserineqartarneq pisariaqartinnerulertarpagut.
Δ
Tusaanngamut sianerit normu una atorlugu: 80 11 80
Ring til Tusaannga på nummer 801180.
Tusaanngamut SMS-erit normu una atorlugu: 1899
Send SMS til Tusaannga på nummer 1899.
Kodenik marlunnik toqqaasimaguit, ullualuit qaangiunnerani allakkiat kode atorlugu akissutisisimanerlutit takusinnaavat.
