SMS
SMS
Chat
Sianerit
Sianerit
Allakkamik allagit
Tusaannga attavigiuk

sammisaq

Asanninneq aamma atoqatigiinneq/atoqatigeeriaaseq

Misigissutsit, killissat kulturilu naapikkaangata

Qulequttat asanninnermut atoqatigiinnermullu tunngasut eqqartoruminaassinnaasarput – ingammik
inuiaqatigiinni inukitsuni, kikkut tamarmik imminnut ilisarisimasut akornanni. Taamaammat
sorusunnerluni nalornineq, aamma suna eqqortuunersoq naluleraanni qanorlu killiliinnissaq pillugit
ernumaneq nalinginnaalluinnartuuvoq.

Siunnersuutit

  • Pisut arriitsumik pigaluarpata
  • Akuersiguit imaluunniit naaggaaruit
  • Isummamik allanngortitsiguit
  • Kajungerisaqaruit imaluunniit kajungerinngisaqanngikkuit
  • Atoqatigeeriaaseq pillugu nalorniguit

Killiliisinnaaneq ajornakusoorsinnaasarpoq, ingammik ingutsisoqarnissaa aaqqiagiinngittoqarnissaaluunniit ernumagigaanni. Kisianni iliit killiliisuunissat pingaaruteqarpoq.

Imak oqarsinnaavutit:

  • “Taamaaliornissannut piareersimanngilanga.”
  • “Inuttut ilikkarluaqqaarusuppakkit.”
  • “Arriitsumik pinissarput pisariaqartippara.”

  • Peqqissaavik
  • Tusaannga
  • Inersimasoq tatigisat saaffigisinnaavat
  • Qamani-app imminut ikiornissamut atortussiaq atoruk. App-imi ilaatigut isumannaallisaanermut pilersaarusiorsinnaavutit, eqqisseqqissaarluni tusarnaagassat tusarnaarsinnaavatit, atuagassiat assigiinngitsunik sammisallit nanisinnaavatit aammalu ikiorneqarnissarnut imaluunniit arlaannik oqaloqateqarnissarnik pisariaqartitsilissaguit attavigineqarsinnaasunut paasissutissat erseqqissut pissarsiarissavatit
Kitaamiusut
Tunumiusut

Uummatikkut anniarpit?

1

Misigissutsitit misigikkit

Qimassimatilluni aliasunneq naliginnaasuuvoq.

Aamma misigissutsit allat misigineqarsinnaapput. Assersuutigalugu oqilisutut misigisoqarsinnaavoq, kamalluni, aliasulluni, kiserliorluni, nuannaarluni imaluunniit paatsiiveerusimaarluni. Pingaarnerpaaginnarpoq eqqaamassagit qanorluunniit misigigaluaruit ajortuunngimmat.

Misigissutsitit qimarratiginagit inissaqartikkit. Isumassarsiatsialaasinnaavoq eqqarsaatit misigissutsillu allaganngorlugit anisinnissai, taamatut eqqarsaatit allat inissaqarnerulersinnaammata.

2

Qanoq misiginerit allanut oqaatigisaruk

Amerlasuut iluarisarpaat misigissutsiminnik annissuiffissaqaraangamik. Ikinngutigilluakkamuusinnaavoq, angajoqqaanut imaluunniit arlaannut annissuiffigerusutamut. Aamma Tusaanngamut sianersinnaajuaannarputit 801180-mut SMS-erlutilluunniit 1899-mut. Aamma maani chatikkut allaffigisinnaavatsigut.

Immaqa nalunngisaqarputit qimannermik misigisaqarnikumik illillu qanoq inninnik paasinnilluarsinnaasumik. Paasineqartutut misigineq iluaqutaasinnaasarmat taanna aamma oqaloqatigiumasinnaavat.

3

Nuannarisatit sammisakkit

Uummatikkut annersimagaanni qiimmassalaarnissaq iluaqutaasinnaasarpoq.

Isumassarsiat uku atorsinnaavatit:

Immaqa ikinngutitillu filmerrassinnaavusi imaluunniit serie arlaat isiginnaarlugit. Nerisassat mamarinerpaasatit nerisinnaavatit. Imaassinnaavoq aamma timersortaruit allanilluunniit eqqarsaatinut allanut saatitsisinnaasunik sammisaqarlutit.

Misissuinerit takutippaat timimik aalatitsineq nuannaarnerulersitsisartoq. Taamaammat qimannermik misigisaqarsimaguit sinittarfinniik anillallutit timivit atornissaa eqqaamasaruk aliasunnernut iluaqutaasinnaammat.

4

Aappakut takunaveersaaruk

Nalunngilarput qimasimmalluni nuannerpallaarneq ajortoq. Taamaattumik ilaannikkut aapparisimasavit ungasillilaarnissaa iluaqutaasinnaavoq.

Assersuutigalugu takusarunnaarallarsinnaavat, allaqatigiittarunnaarlusi imaluunniit aamma aapparisimasat Facebookikkut, Instagramikkut Snapchatikkullu malinnaaffigiunnaarlugu.

Aapparisimasavit marserneranut piffissat atornarveersaaruk. Taamaalillutit piffissaq ilinnut nuannaalersitsisartunut saatsissinnaavat. Nuannaarutigisartakkatit eqqaamanerussagakkit uani katersorsinnaavatit: Nuannaalissutigisakkanik allattuiffik.

5

Eqqaamajuk: aliasuinnaavinnaviannginnavit

Uummatikkut anniarluni misiginarsinnaasarpoq anniarneq qaangiuteqqinngisaannassasoq, kisianni qaangiuttarpoq.

Ullut ataasiakkaakkit, piffissap ingerlanerani oqileqqikkumaarpoq.

Qimanneq piffissap ingerlanerani oqiliartulertarpoq, aamma misigisassat nuannersut allat takkussuuttarput.

Tunumiusut

Uummalikku anniarpi?

1

Misiitsulili misingiiatsiili

Qimatsimaajarngaanni aliasunner nalinginnaasuuvor.

Aamma misingitsuli adda misiinerartinnaappu. Atsertsuuliiddungu tsoordungaa oriliddini, kamaddini, aliatsudduni, kiserdeerduni, kajimiddeerdini uppaliinnii paatsiveerngusimaardini.

Pingaarnerpaavor eqqaamatsaddungu qanerduunnii misingiiarngivid ajerdunngilar.

Misingitsutsili qimaqqaliitsanngaali initsararditsavali.

2

Qaner misiisimanerdili addanu oraaliisarniaa

Amerdakkaajuu piddivaalidarpaad misingitsuddiminni anitsuippiddaraajarngaarngami. Kammalaalinnuusinnaavor, angajoqqaanu uppaliinnii ardaannu iddi daliilannu. Aamma Tusaanngamu tsianertsinnaajuaannarpuli 80 11 80-mu SMS-erduliddiinnii 1899-mu. Aamma maani chat-ddikku addaannartinnaavuli.

Uppa nalinngisararpuli qimannermi misingisarartimalimi iddi qaner inninni paasinnidduartinnaalimi. Paasinerardusu misingiiarngaanni iluarulaasinnaasarpor daanna aamma oralivarngalingiumasinnaavad.

3

Kajimmiilali tsammisatsavali

Uummalikki annertimaajarngaanni qiimmatsarnitsar iluarulaasinnaalarpor.

Isima nulaa uguad alersinnaavali:

Uppa kammalaaliliddu filmeralingiitsinnaavusi uppaliinnii serie ardaa isinginnaardungu. Niisatsad mamaanerpaalali niisinnaavali. Imaatsinnaaler aamma dimertsordaajarngivi uppaliinnii addani iddi eqqartsaalinnu addamu eqqartsalerditsisinnaasumi tsammisarardili.

Misitsuinii takilippaa dimimi aalatitsiner kajimiddeerditsilerdarder. Daamaamma qimanner misingisimaajarngikku ilanngaappiisannunngaanniid aniddaajardili dimivi alernitsaa, qaner eqqaamatsangi dimertsorner aliasunnermu iluarulaasinnaalor.

4

Unaruliisimala taginaveertsaatsava

Nalinngilarpu qimatsimaajarngaanni kajiminnarner ajerdor. Daamaaddimi ilaanni unaruliisimadavid uasiddilaarnitsaa iluarulaasinnaavor.

Atsertsuuliiddungu dagisarngunnaardungu addaralinginangi uppaliinnii aamma unaruliisimala facebookimi, Instagrammimi Snapchat-imi malinnaappiiunnaardungu.

Unaruliisimasavi martiiarpali pippitsar daaminna alernaveertsaatsava. Daamaaserdili pippitsar ilinnu kajimiddeerditsilardunu alertsinnaava. Kajimiddeernguliilardakkali eqqaamanernguujatsangikki uaningaa kalertsortinnaavali:  Kajimidiilitsuliilardakkannu addadduippi

5

Eqqaamatsava: aliasudduaannarnavianngitsili

Uummalikki annerduni misiinartinnaavor tsoordungaa anniarner qaangiuleqqitsanngitser, kisia qaangiiddarpor.

Uddu alaasiakkaatsavali, pippitsar eerdanerngani orileqqikkumaarpor.

Qimanner pippitsap eerdanerngarni oriliardilerdarpor, aamma qaner misingisatsa kajiminnardi adda dakkiddardi.

Sammisat

Asanninneq aamma atoqatigeeriaaseq
Imminut toqunnissamut eqqarsaateqarneq
Kinaassuseq
Kiserliorneq
Uerisimaneq aammalu atornerluineq

Ikioqatigiitta

Meeraqatitit allaffigikkit
Meeraqatitit siunnersukkit

Lad os hjælpe hinanden

få hjælp af børn
svar børns breve

SIANERFISSAQ

Tusaanngamut sianerit normu una atorlugu: 80 11 80

Ring

Ring til Tusaannga på nummer 801180.

SMS

Tusaanngamut SMS-erit normu una atorlugu: 1899

SMS

Send SMS til Tusaannga på nummer 1899.

Chat
Chat
Gruppechat
Gruppechat